Алишербек Азизович Пайгамов бошқа ишга ўтиши муносабати билан Ўзбекистон Президенти Администрацияси (ПА) Ташқи алоқалар департаменти бошлиғи лавозимидан озод қилинди.
Бу ҳақда давлат раҳбарининг матбуот котиби Шерзод Асадов хабар берди. Янги иш жойи аниқлаштирилмаган.
Президент фармони билан департамент раҳбари этиб Сардорбек Улуғбекович Умрзоқов тайинланди, у бунгача ПАнинг бош инспектори бўлиб ишлаган.
Кўпгина онлайн-ОАВлар янги лавозимга собиқ ПА раҳбари ва Президентнинг алоҳида топшириқлар бўйича маслаҳатчиси, ҳозирда Президентнинг стратегик ривожланиш бўйича маслаҳатчиси Сардор Ўктам ўғли Умрзоқов тайинлангани ҳақида хато хабар тарқатди.
Алишербек Пайгамов Президент ижро аппаратининг сектор мудири бўлиб ишлаган, 2018 йил август ойида Президент аппарати Президент Администрациясига айлантирилгач, Администрация бошлиғининг ўринбосари этиб тайинланган. У 2023 йил август ойида ПАнинг Ташқи алоқалар департаменти раҳбари бўлган.
Сардорбек Умрзоқов кўп йиллик тажрибага эга дипломат, дея хабар берди Президент матбуот хизмати алоҳида янгиликда. У 2006—2018 йилларда Ташқи ишлар вазирлиги тизимида ва Ўзбекистоннинг хориждаги дипломатик ваколатхоналарида турли лавозимларда ишлаган. 2018 йилдан бошлаб Президент Администрациясида, жумладан, ташқи сиёсат йўналишида масъул лавозимларда фаолият юритиб келмоқда.
