Ўзбекистоннинг Швециядаги элчиси Раҳматулла Нуримбетов бир вақтнинг ўзида Норвегиядаги элчи этиб тайинланди. 2025 йил 15 май куни у Норвегия қироли Харальд V га ишонч ёрлиқларини топширди, дея хабар берди «Дунё» АА.
Элчининг қирол билан учрашувида Ўзбекистон-Норвегия муносабатларининг сиёсий, савдо-иқтисодий, инвестициявий, технологик ҳамда маданий-гуманитар соҳалардаги истиқболлари муҳокама қилинди.
Томонлар иқлим ўзгариши оқибатларига қарши курашиш, «яшил» энергетикани ривожлантириш, қашшоқликни қисқартириш, жамиятда аёллар ва ёшларнинг ролини рағбатлантириш каби йўналишларда ҳамкорликни фаоллаштириш салоҳияти мавжудлигини қайд этдилар.
Ўзбекистон ва Норвегия ўртасида дипломатик муносабатлар 1992 йил 10 июнда ўрнатилган.
