Россия давлат корпорацияси “Росатом”нинг машинасозлик дивизионига кирувчи Санкт-Петербургдаги “АЭМ-Спецсталь” металлургия заводида Ўзбекистонда қурилаётган кичик қувватли атом электр станциясининг (КҚАЭС) биринчи энергоблоки учун реактор ускуналарини ишлаб чиқариш бошланди.
Металлурглар бўлажак РИТМ-200Н реактор қурилмаси учун биринчи пўлатни қуйишди. Бу жараён 2025 йил 13 май куни Тошкентда бошланган Ўзбекистон Халқаро энергетика ҳафталиги доирасида Power Uzbekistan 2025 кўргазмасида намойиш этилди.
Компания хабарига кўра, қуйма 205 тонна оғирликдаги легирланган пўлатдан қуйилган. Келгусида ундан станциянинг бир қисмига айланадиган РИТМ-200Н реактор қурилмаси корпусининг деталларини тайёрлаш режалаштирилган.
Ўзбекистондаги кичик АЭС лойиҳаси учун жами 6 та РИТМ-200Н типидаги реактор қурилмасини ишлаб чиқариш кўзда тутилган.
