Ўзбекистон президенти Шавкат Мирзиёев олий таълим, фан ва инновациялар вазирининг барча ўринбосарларини лавозимидан озод этди. Бу ҳақда 2025 йил 9 сентябрь куни мактабгача ва мактаб таълими соҳасидаги ислоҳотлар бўйича йиғилишда маълум қилинди, деб хабар берди давлат раҳбарининг матбуот котиби Шерзод Асадов.
«Мактабгача ва мактаб таълимида ўзгаришлар бўлмоқда, дастурлар ишлаяпти, натижалар бор. Бироқ касбий ва олий таълим учун масъуллар таълим соҳасидаги ислоҳотлар моҳиятини ҳали тўлиқ тушуниб етмади», — деди президент.
У вазирнинг биринчи ўринбосари Шоҳрух Далиев ҳамда ўринбосарлари Отабек Маҳкамов ва Сарвархон Бузрухоновни ишдан бўшатиш ҳақида маълум қилди.
Президент, шунингдек, вазирлик ҳузуридаги Инновацион ривожланиш агентлиги директори Шароф Ражаббоевни ҳам лавозимидан озод этди.
Президент Администрацияси ҳузуридаги Таълим сифатини назорат қилиш миллий агентлиги директори Адҳам Худойқулов бошқа ишга ўтганлиги сабабли лавозимидан озод қилинди.
Шавкат Мирзиёев мактабгача ва мактаб таълими, шунингдек, олий таълим, фан ва инновациялар вазирлари, уларнинг ўринбосарлари ва вилоятлар ҳокимлари «огоҳлантирувчи ва фаол» иш услубига ўтиши ҳамда таълимнинг барча йўналишларида туб ўзгаришларни амалга ошириши шартлигини билдирди.
