NBC News нинг хабар беришича, эндиликда Нью-Йорк шаҳрининг марказий кўчаларига “тиғиз” маҳал машина ҳайдаб кириш пуллик бўлди. Шундай усул орқали маҳаллий ҳукумат тирбандлик ва маҳаллий транспортни ривожлантириш масалаларини ҳал қилишмоқчи.
Дастур 2025 йил 5 январь куни ишга тушди ва Манхэттен районини тўлалигича қамраб олган. Шаҳарнинг бу қисмига кириш, бегим кунлари 05:00-21.00 вақт оралиғида ва дам олиш кунлари 09:00-21:00 давомида – 9 АҚШ доллари деб белгиланди. Бошқа маҳал – 2.25 АҚШ долларини ташкил этади.
Катта бўлмаган юк ташиш машиналари ва автобуслар учун бу нарх 14.40 АҚШ доллари қилиб белгиланган. Туристларни ташувчи автобуслр ва катта юк машиналари учун нарх 21.60 АҚШ доллари қийматига ўрнатилган.
Тўлов кунига 1 марта амалга оширилади. Тезкор хизмат турлари, давлат хизмат транспорти, мактаб ва шаҳарлараро автобуслар, кам даромад кўрувчи ҳайдовчилар ва жамоат транспортидан фойдаланиш мумкин бўлмаган шахслардан (тиббий кўрсатма/маълумотнома) тўлов ундирилмайди.
Маҳаллий ҳукуматнинг ҳисоб-китобига кўра, дастур шаҳар марказида автомобиллар сонини 10% га камайтиришга ёрдам бериши керак.
Сўнгги сайловларда президент бўлган ва асли Нью-Йорк шаҳридан чиққан Дональд Трамп, 20 январь куни президентлик ваколатларини олгандан сўнг, ушбу қарорни бекор қилишини таъкидлаган.
