Музаффар Муротович Камилов Ўзбекистон президенти администрациясининг диний-маърифий масалалар департаменти бошлиғи лавозимига тайинланди. Давлат раҳбари бу ҳақдаги фармонни имзолади, деб хабар берди унинг матбуот хизмати.
У бунга қадар президентнинг вакиллик органлари, нодавлат нотижорат ташкилотлари, дин ва ёшлар масалалари бўйича маслаҳатчиси ўринбосари лавозимида ишлаган.
Аввалроқ у Ўзбекистон халқаро ислом академияси ректори, президентнинг жамоат ва диний ташкилотлар билан ҳамкорлик масалалари бўйича маслаҳатчиси, дин ишлари бўйича қўмита раисининг биринчи ўринбосари ва бошқа лавозимларда фаолият юритган.