2024 йил 15 декабрга ўтар кечаси Ўзбекистонлик боксчи Муроджон Аҳмадалиев мексикалик Рикардо Эспиносани (30-5, 25 КО) 3-раундда техник нокаутга учратиб, WBA бўйича вақтинчалик чемпионлик камарига эга бўлди. Эслатиб ўтамиз, Муроджон Аҳмадалиев биринчи ярим енгил оғирлик тоифасида иштирок этади ва бу кунга қадар, 14 та жанг ўтказиб, 13 тасида ғалаба қозонган (улардан 10 таси нокаут билан) ва 1 мағлубиятга учраган.
Жангдан сўнг, Муроджон абсолют чемпион япониялик Наоя Иноуэга қарши жанг қилишга тайёрлигини айтди ва чемпионликни ҳимоя қилишга чақирди. Наоя Иноуэ 28 та жанг ўтказган ва барчасини ғалаба билан якунлаган. Улардан 25 таси нокаут (КО) билан амалга оширилган.