Тошкент вилояти Бўстонлиқ туманидаги меҳмонхона биносида мушукларни қийноққа солган 33 ёшли М. Ш. 15 суткалик маъмурий қамоқ жазосини олди. Бу ҳақда вилоят ИИББ матбуот котиби Бобур Тўлаганов хабар берди.
Суд уни Маъмурий жавобгарлик тўғрисидаги кодекснинг 111-моддаси 2-қисмида кўзда тутилган ҳуқуқбузарликни содир этганликда айбдор деб топди. Ушбу модда ҳайвонларга нисбатан шафқатсиз муносабатда бўлиш, уларнинг ўлимига ёки майиб бўлишига олиб келганлиги учун максимал 15 суткалик қамоқ жазосини назарда тутади. (Бундан ҳам қаттиқроқ жазо — 6 ойгача озодликдан маҳрум қилиш — фақат ҳайвонларга нисбатан маъмурий жазо қўлланилганидан кейин такроран шафқатсиз муносабатда бўлганлик учун кўзда тутилган.)
Иккинчи эркак — мушукларни қийноққа солган, жумладан, улар томонга милтиқдан ўқ узган 30 ёшли А. А. МЖтКнинг 220-1-моддаси (қуролнинг қонунга хилоф равишда муомалада бўлиши) бўйича 10 суткалик қамоқ жазосини олди. Ушбу модда мансабдор шахслар учун қуролни мусодара қилган ҳолда 15 суткагача қамоқ жазосини назарда тутади (жазога кўра, у мансабдор шахс ҳисобланади).
Иккаласи ҳам меҳмонхонада ишлайдиган ҳибсга олинганларнинг тўлиқ исм-шарифларини вилоят ИИББ очиқламаган. Идора ҳуқуқбузарлик ҳақида хабар берган бефарқ бўлмаган фуқароларга миннатдорлик билдирди.