Фарғона вилояти Марғилон шаҳрида 2025 йил 16 октябрь куни ҳайдовчи йўлни кесиб ўтаётган болаларни уриб юборди. Бу ҳақда вилоят Йўл ҳаракати хавфсизлиги бошқармаси хабар берди.
Соат 12:30 атрофида Бурҳониддин Марғиноний кўчасида Nexia-1 русумли автомобиль ҳайдовчиси (1998 йилда туғилган) 33-сонли мактаб олдидаги тартибга солинмаган пиёдалар ўтиш жойидан ўтаётган 3 нафар мактаб ўқувчисини уриб юборди.
Дастлабки маълумотларга кўра, ЙТҲ натижасида бир бола шифохонага ётқизилган, икки нафарига биринчи тиббий ёрдам кўрсатилган.
Мазкур ҳолат юзасидан терговга қадар текширув ўтказилмоқда.
