Премьер-лига футболчиси Диогу Жота ва унинг укаси, Португалиянинг “Пенафиел” клубининг профессионал футболчиси Андре Силва Испанияда автоҳалокатга учраши оқибатида ҳаётдан кўз юмди.
Маҳаллий полиция The Athletic нашрига тасдиқлашича, ҳодиса 2025 йил 3 июль куни эрталаб соат 00:30 да (маҳаллий вақт билан) Испания шимоли-ғарбидаги Замора вилоятида, А-52 трассасида — Мадриддан Португалия шимолидаги Галисия вилоятигача бўлган 400 км узунликдаги йўлда содир бўлган.
Маҳаллий ҳокимият тасдиқлашича, 28 ёшли Жота ва 25 ёшли Силва бўлган Lamborghini русумли автомобиль йўлдан чиқиб кетиб, зарбадан сўнг ёниб кетган. Ҳодиса вақтида автомобилни айнан ким бошқаргани ҳали тасдиқланмаган.
Жота клуби “Ливерпуль”нинг мавсумолди тайёргарлигига қайтиш олдидан Буюк Британияга паромда қайтиш учун Сантандер портига кетаётган бўлган. Унга яқинда кичик операция ўтказгани сабабли самолётда учмаслик тавсия этилган эди.
Жота ўтган ой охирида Португалия шимолидаги Порту шаҳрида, Заморадан ғарбга қараб 300 км масофада жойлашган ўз уй шаҳрида узоқ йиллик севгилиси Руте Кардосога уйланган эди. Жуфтликнинг 3 нафар фарзанди бор.
2025 йил 4 июлда Портуда жаноза маросими бўлиб ўтиши, 5 июль куни эса дафн маросими ўтказилиши кутилмоқда.
