Самарқанд вилоятида қурилиш учун мўлжалланган мармар плиталар орасига яширилган 37 кг 421 г гиёҳванд моддалар мусодара қилинди, деб хабар берди Ўзбекистон ДХХ матбуот хизмати.
Таҳлиллар шуни кўрсатдики, ушбу модда экстракция қилинган опий бўлиб, у хом опийдан сувли экстракция ёрдамида олинадиган қайта ишланган маҳсулот ҳисобланади.
Биргаликдаги тадбир ДХХ томонидан вилоят ички ишлар ва божхона бошқармалари билан ҳамкорликда ўтказилди.
Маълум бўлишича, гиёҳванд моддани 33 ёшли чет эл фуқароси (давлати очиқланмаган) 44 ва 30 ёшли икки нафар маҳаллий фуқаро томонидан сотиш учун мамлакатга олиб кирган.
Уччала гумонланувчи ҳам қамоққа олинган, жиноят иши қўзғатилган.