Ўзбекистон ИИВ ЖХД ЙҲХХ 2026 йил март ойидан бошлаб автоматлаштирилган воситалар орқали қайд этилган йўл ҳаракати қоидабузарликлари бўйича жарима солиш тўғрисидаги қарорларни қоғоз шаклидаги хат орқали юборишни тўхтатади, дейилади вазирлик хабарида. Бу ҳақда «Ўзбекистон почтаси» (UzPost) компанияси ҳам маълум қилди.
Тегишли материаллар илова қилинган билдиришномалар электрон шаклда: Ягона интерактив давлат хизматлари портали ва унинг иловаси (MyGov), шунингдек, SafeRoad, Road24, Hamroh ва бошқа мобил иловалар орқали СМС юбориш билан биргаликда йўлланади.
СМС-хабарларни олиш учун мобил телефон рақамини my.gov.uz порталида рўйхатдан ўтказиш керак. Одатда, жарима ҳақидаги билдиришнома баённома расмийлаштирилгандан сўнг дарҳол келади.
2017 йилда «Ўзбекистон почтаси» таркибида камералар томонидан қайд этилган ЙҲҚ бузилиши бўйича баённомаларни юбориш учун махсус участка ташкил этилган эди. 2026 йил февраль ойи охирида UzPost ва ЙҲХХ ўртасидаги бу борадаги шартнома муддати тугайди.