Иордания Қироли Абдулла II ибн ал-Ҳусайн 2025 йил 25 август куни давлат ташрифи билан Ўзбекистонга келди, деб хабар берди Ўзбекистон президенти матбуот хизмати.
Самарқанд аэропортида меҳмонни президент Шавкат Мирзиёев кутиб олди. Бу Қироллик раҳбарининг Ўзбекистонга тарихидаги биринчи ташрифи.
Меҳмон шарафига икки давлатнинг давлат байроқлари кўтарилди ва фахрий қоровул саф тортди. Миллий қўшиқлар ва рақслар ижро этилган тантанали маросим бўлиб ўтди.
Ташрифнинг асосий тадбирлари 2025 йил 26 август кунига белгиланган. 25 август куни давлат раҳбарлари биргаликда Самарқанд диққатга сазовор жойларини кўздан кечирдилар.
Хусусан, улар Шоҳи-Зинда мажмуаси, Амир Темур мақбараси, Регистон мажмуасига ташриф буюрдилар.
Олий мартабали меҳмонга шаҳар тарихи ва меъморчилиги ҳақида маълумот берилди.
