2025 йилнинг биринчи ярим йиллигида Ўзбекистон ҳудудида электрон хизматлар кўрсатувчи 72 та хорижий компания 78,2 млрд сўм солиқ тўлади. Ўзбекистон Солиқ қўмитаси матбуот хизматининг хабар беришича, бу 2024 йилнинг шу даврига (55,4 млрд сўм) нисбатан 42%га кўп.
Ўзбекистонда ҚҚС тўловчиси сифатида рўйхатдан ўтган хорижий компаниялар сони ўсишда давом этмоқда: агар 2025 йил январь ҳолатига кўра улар 63 та бўлган бўлса, 1 июлга келиб бу кўрсаткич 72 тага етди.
Тўланган солиқларнинг 94%и 10 та компания ҳиссасига тўғри келади:
- Meta (Facebook, Instagram, WhatsApp, Messenger) — 22,6 млрд сўм;
- Apple — 22,1 млрд сўм;
- Google — 19,4 млрд сўм;
- OpenAI — 2,9 млрд сўм;
- Booking.com — 1,9 млрд сўм;
- TikTok — 1,8 млрд сўм;
- Netflix — 896,2 млн сўм;
- Acca — 797,1 млн сўм;
- Zoom — 786,7 млн сўм;
- Adobe — 530,8 млн сўм.
Бу компанияларнинг ўтган йилнинг шу даврига нисбатан жами обороти 460 млрд сўмдан 43%га ошиб, 656,8 млрд сўмни ташкил этди. Хусусан:
- Meta (Facebook, Instagram, WhatsApp, Messenger) — 187,6 млрд сўм;
- Apple — 184 млрд сўм;
- Google — 166,2 млрд сўм;
- OpenAI — 23,9 млрд сўм;
- Вooking.соm — 15,5 млрд сўм;
- TikTok — 15,3 млрд сўм;
- Netflix — 7,1 млрд сўм;
- Acca — 6,7 млрд сўм;
- Zoom — 6,5 млрд сўм;
- Adobe — 4,4 млрд сўм.
Эслатиб ўтамиз, 2025 йил апрель ойида машҳур ChatGPT чат-боти, Sora видео генератори ва DALL-E тасвирлар генерациялаш нейротармоғини ишлаб чиқувчи Американинг Open AI компанияси Ўзбекистонда қўшилган қиймат солиғи тўловчиси сифатида рўйхатдан ўтган эди.
