2026 йил 15 январь куни эрталаб Эрон ҳаво ҳудуди бир неча соатга ёпилгани муносабати билан Ўзбекистон шаҳарларига ва улардан амалга оширилаётган бир қатор рейслар учиш аэропортларига қайтиб кетди. Бу ҳақда Uzbekistan Airports матбуот хизмати хабар берди.
Компания маълумотларига кўра, Fly One Asia авиакомпаниясининг Мадина-Тошкент йўналиши бўйича 7Q7742 рейси Мадинага қайтган.
Fly One Asia авиакомпаниясининг Мадина-Фарғона йўналиши бўйича 7Q4442 рейси ҳам Мадинага қайтиб кетган.
Jazeera Airways компаниясининг соат 2:01 да ҳавога кўтарилган Тошкент-Қувайт йўналишидаги J9650 рейси пойтахтга қайтиб келган.
Sam Air авиакомпаниясининг соат 2:04 да учган Самарқанд-Жидда йўналиши бўйича 9S3303 рейси Самарқандга қайтган.
Fly Khiva авиакомпаниясининг соат 2:17 да парвоз қилган Урганч-Мадина йўналишидаги 2U7911 рейси Урганчга қайтиб кетган.
Uzbekistan Airways авиакомпаниясининг Жидда-Тошкент йўналиши бўйича HY336 рейси Жиддага қайтган.
AP агентлигининг хабар беришича, Эрон АҚШ томонидан бўлиши мумкин бўлган ҳужум борасидаги кескинлик фонида ҳаво ҳудудини аввал икки соатга, кейин эса яна икки соатга ёпган. Ҳозирда мамлакат устида самолётлар парвози яна тикланган.
