2025 йил 1 августдан бошлаб Ўзбекистонда базавий ҳисоблаш миқдори (БҲМ) 10%га – 375 минг сўмдан 412 минг сўмга ошади. У солиқлар, йиғимлар, божлар, жарималар ва давлат хизматлари учун тўловлар миқдорини аниқлашда қўлланилади.
Асосий йўл ҳаракати қоидабузарликлари ва уларни бузганлик учун жарималар миқдори акс эттирилган жадвал қуйида келтирилган.
ЙҲҚ бузилганлиги учун жарималар миқдори
| Қоидабузарлик | Жарима (БҲМ) | 1 августгача (375 000 сўм) | 1 августдан (412 000 сўм) |
|---|---|---|---|
| Тақиб олинмаган хавфсизлик камари | 0,5 БҲМ | 187 500 сўм | 206 000 сўм |
| Дори қутиси, жилет, ўт ўчиргич, авария тўхташ белгиси ва техник кўрик йўқлиги | 0,5 БҲМ | 187 500 сўм | 206 000 сўм |
| Йўл белгилари талабларига риоя қилмаслик, пиёдалар йўлакчаларида ҳаракатланиш | 0,5 БҲМ | 187 500 сўм | 206 000 сўм |
| Ҳужжатларсиз бошқариш | 1 БҲМ | 375 000 сўм | 412 000 сўм |
| Транспорт воситаларини бошқариш ҳуқуқи бўлмаган шахслар томонидан бошқариш, шунингдек бошқариш ҳуқуқи бўлмаган шахсга бошқарувни топшириш | 5 БҲМ | 1 875 000 сўм | 2 060 000 сўм |
| Транспорт воситаларини бошқариш ҳуқуқидан маҳрум этилган шахслар томонидан бошқариш | 10 БҲМ | 3 750 000 сўм | 4 120 000 сўм |
| Суғуртасиз бошқариш | 1 БҲМ | 375 000 сўм | 412 000 сўм |
| Қизил чироқдан ўтиш | 3 БҲМ | 1 125 000 сўм | 1 236 000 сўм |
| Худди шундай ҳуқуқбузарлик бир йил ичида такроран содир этилса | 5 БҲМ | 1 875 000 сўм | 2 060 000 сўм |
| Белгиланмаган жойда тўхташ | 2 БҲМ | 750 000 сўм | 824 000 сўм |
| Рулда телефондан фойдаланиш ва гаплашиш | 3 БҲМ | 1 125 000 сўм | 1 236 000 сўм |
| Худди шундай ҳуқуқбузарлик бир йил ичида такроран содир этилса | 4 БҲМ | 1 500 000 сўм | 1 648 000 сўм |
| Давлат рақамисиз бошқариш | 5 БҲМ | 1 875 000 сўм | 2 060 000 сўм |
| Давлат рақамини яшириш | 1 дан 3 БҲМгача | 375 000 сўмдан 1 125 000 сўмгача | 412 000 сўмдан 1 236 000 сўмгача |
| Тезликни 20 км/соатгача ошириш | 1 БҲМ | 375 000 сўм | 412 000 сўм |
| Худди шундай ҳуқуқбузарлик бир йил ичида такроран содир этилса | 5 БҲМ | 1 875 000 сўм | 2 060 000 сўм |
| Худди шундай ҳуқуқбузарлик бир йил ичида учинчи марта содир этилса | 15 БҲМ | 5 625 000 сўм | 6 180 000 сўм |
| Худди шундай ҳуқуқбузарлик бир йил ичида уч мартадан ортиқ содир этилса | 25 БҲМ | 9 375 000 сўм | 10 300 000 сўм |
| Тезликни 20 км/соатдан 40 км/соатгача ошириш | 5 БҲМ | 1 875 000 сўм | 2 060 000 сўм |
| Худди шундай ҳуқуқбузарлик бир йил ичида такроран содир этилса | 15 БҲМ | 5 625 000 сўм | 6 180 000 сўм |
| Худди шундай ҳуқуқбузарлик бир йил ичида учинчи марта содир этилса | 25 БҲМ | 9 375 000 сўм | 10 300 000 сўм |
| Тезликни 40 км/соатдан ошириш | 9 БҲМ | 3 375 000 сўм | 3 708 000 сўм |
| Худди шундай ҳуқуқбузарлик бир йил ичида такроран содир этилса | 25 БҲМ | 9 375 000 сўм | 10 300 000 сўм |
| Қарши йўналишли ҳаракатланиш | 10 БҲМ | 3 750 000 сўм | 4 120 000 сўм |
| Маст ҳолатда эканлигини аниқлаш учун тиббий текширувдан ўтишдан бош тортиш | 30 БҲМ | 11 250 000 сўм | 12 360 000 сўм |
| Маст ҳолатда транспортни бошқариш | 40 БҲМ | 15 000 000 сўм | 16 480 000 сўм |
| Транспорт воситаларини бошқариш ҳуқуқи бўлмаган шахс томонидан худди шундай ҳуқуқбузарлик содир этилса | 50 БҲМ | 18 750 000 сўм | 20 600 000 сўм |
| Транспорт воситасини маст ҳолатдаги шахсга бошқаришни топшириш | 25 БҲМ | 9 375 000 сўм | 10 300 000 сўм |
| Рухсатсиз қорайтирилган ойналар билан транспортдан фойдаланиш | 25 БҲМ | 9 375 000 сўм | 10 300 000 сўм |
| Худди шундай ҳуқуқбузарлик бир йил ичида такроран содир этилса | 40 БҲМ | 15 000 000 сўм | 16 480 000 сўм |
| ЙТҲ айбдори томонидан ЙҲҚ бузилиши | 7 БҲМгача | 2 625 000 сўмгача | 2 884 000 сўмгача |
| Ҳайдовчилар томонидан транспорт воситаларига ёки бошқа мулкка жиддий моддий зарар етказмаган ЙҲҚ бузилиши | 4 БҲМгача | 1 500 000 сўмгача | 1 648 000 сўмгача |
| Йўл-транспорт ҳодисаси жойини тарк этиш | 15 БҲМ | 5 625 000 сўм | 6 180 000 сўм |
Чегирма
Маъмурий жавобгарлик тўғрисидаги кодекснинг 305-моддасига кўра, маъмурий ҳуқуқбузарлик тўғрисидаги иш ҳуқуқбузарлик тўғрисидаги баённома ва ишнинг бошқа материалларини кўриб чиқишга ваколатли орган (мансабдор шахс) томонидан олинган кундан бошлаб 15 кун ичида кўриб чиқилади.
Кодекснинг 309-1-моддасига мувофиқ, жарима солиш тўғрисидаги қарорнинг нусхаси камералардан олинган материаллар илова қилинган ҳолда, қарор чиқарилган кундан бошлаб 3 кун ичида ҳуқуқбузарга буюртма хат орқали юборилади.
Қоидабузарга жарима солиш тўғрисидаги қарор топширилган кундан бошлаб 15 кун ичида жаримани 50% чегирма билан, 30 кун ичида эса 30% чегирма билан тўлаш мумкин (истиснолар – маст ҳолатда транспорт бошқариш, маст ҳолатда эканлигини аниқлаш учун текширувдан бош тортиш ва транспорт воситасини маст ҳолатдаги ёки бошқариш ҳуқуқи бўлмаган шахсга топшириш ҳолатлари).
Агар жарима ЙПХ инспектори томонидан ҳайдовчи иштирокида расмийлаштирилган бўлса, уни 30 кун ичида тўлаш керак, агар қоидабузарлик камера томонидан қайд этилган бўлса, 60 кун ичида тўланиши лозим.
ЙҲҚ бузилганлиги учун жарималарнинг мавжудлигини турли усуллар билан кузатиш мумкин, “Газета.uz” улар ҳақида батафсил маълумот берган.
