2021 йил февралидан 2025 йил охиригача Uzbekistan Airways авиакомпаниясига тақдим этилган авиачипталар бўйича субсидия Ўзбекистоннинг барча резидент авиакомпанияларига ҳам татбиқ этилди. Бу Вазирлар Маҳкамасининг 8 майдаги минтақавий авиақатновлар ва ички туризмни ривожлантириш тўғрисидаги қарорида кўзда тутилган.
25%лик субсидия махсус комиссия томонидан тасдиқланган ички туристик йўналишлар, шу жумладан ижтимоий аҳамиятга молик йўналишлар бўйича эконом-класс чипталарига амал қилади. Ушбу комиссия ушбу йўналишлар бўйича авиачипталарнинг энг юқори нархини ҳам белгилайди.
2023 йил бошида субсидиялар берилиши бошланганидан кейинги биринчи йил давомида — 2021 йил 1 мартидан 2022 йил 1 июнигача 265 минг йўловчининг парвози учун давлат бюджетидан 27,5 миллиард сўм субсидия тўлангани хабар қилинган эди.
Махсус комиссия раиси транспорт вазири ҳисобланади. Комиссия таркибига шунингдек, Ижтимоий ҳимоя миллий агентлиги директори ўринбосари, иқтисодиёт ва молия вазири ўринбосари, Транспорт вазирлиги ҳузуридаги Фуқаро авиацияси агентлиги директори ва Экология вазирлиги ҳузуридаги Туризм қўмитаси раиси киради.
