2025 йил 8 февраль куни бўлиб ўтган Англия Кубоги 4-раундида “Лейтон Ориент” ва “Манчестер Сити” жамоалари ўзаро куч синашди. Учрашувда “Манчестер Сити” 2:1 ҳисобида ғалаба қозонди.
Ўйиннинг биринчи бўлимида “Лейтон Ориент” кутилмаган тарзда ҳисобни очиб, танаффусга 1:0 ҳисобида олдинда чиқди.
Иккинчи бўлимнинг бошида, яъни 46 дақиқада ҳамюртимиз Витор Рейс ўрнига майдонга тушди. Ўйин давомида “Манчестер Сити” ўз ҳужумларини кучайтириб, 56-дақиқада Рико Льюиснинг зарбасидан сўнг тўп Абдуқодир Ҳусановнинг бошига тегиб, дарвозага кирди ва ҳисоб тенглашди. Шу тариқа, Абдуқодир Ҳусанов Англиядаги биринчи тўпини киритди.
79-дақиқада Кевин Де Брюйне жамоасининг иккинчи голини уриб, “Манчестер Сити”га ғалаба келтирди.
Абдуқодир Ҳусановнинг Англиядаги фаолиятининг тўлиқ статистикаси билан ҳавола орқали танишишингиз мумкин.
